શ્રીમતી જમનાબેન હરજીભાઈ રાદડિયા શૈક્ષણિક સંકુલ - ચરખા

શ્રીમાન,

સવિનય જણાવતા આનંદ થાય છે કે અમરેલી જીલ્લામાં ગ્રામ્ય કક્ષાએ ગામ ચરખા ખાતે જ્ઞાનદિપ એજયુકેશન ટ્રસ્ટ દ્વારા સંચાલિત શ્રીમતી જે. એચ. રાદડિયા શૈક્ષણિક સંકુલ-ચરખા માત્ર ગ્રામ્ય કક્ષાના શૈક્ષણિક કાર્યક્ષેત્રે વર્ષ અને ૨૦૦૧ થી કાર્યરત છે. જેમાં આજે બાબરા તાલુકાના ગામ - ચરખાની આસપાસના ૧૪ ગામના બાળકો કાર્યક્ષમ અને સફળ શિક્ષણ લઈ રહેલ છે.

આપણી શાળા શૈક્ષણિક ક્ષેત્રે છેલ્લા ૨૫ વર્ષથી કાર્યરત હોઈ, શાળાના ૨૫ વર્ષને સિલ્વર જ્યુબિલી વર્ષ તરીકે ભવ્ય ઉજવણી કરવા જઈ રહેલ છીએ. આવા માંગલિક પ્રસંગે શાળાના વિકાસમાં મહત્વપૂર્ણ યોગદાન આપનાર અમારા માનવંતા દાતાશ્રીઓ ચરખા ગામ પરિવારના શ્રેષ્ઠીઓ અને સામાજીક ક્ષેત્રે કાર્યરત સામાજીક પ્રતિભાવો તથા સાથે સાથે છેલ્લા ૨૫ વર્ષના શાળાના શૈક્ષણિક કાર્યકાળ દરમ્યાન ધોરણ-૧૦ અને ધોરણ-૧૨ માં સફળ શિક્ષણ પૂર્ણ કરી ઉચ્ચ અભ્યાસ માટે ગયેલ અને આજે વિવિધ ધંધા-વ્યવસાયમાં જોડાઈને સફળ જીવન શરૂ કરેલ. તેવા અમારા ભૂતપૂર્વ વિદ્યાર્થીઓ તે સર્વેને આ પ્રસંગે તેમની સફળતા અને પ્રતિભા બિરદાવી તેમનું સન્માન કરવા જઈ રહેલ છે.

આપણી શાળાના "૨૫માં સિલ્વર જ્યુબિલિ વર્ષ"ની ઉજવણી નિમિત્તે શાળાની એક સ્મરણિકા પ્રસિધ્ધ કરવા જઈ રહેલ છીએ. જેમાં આપના ધંધા-વ્યવસાયની જાહેરાત તથા આપણી શાળાના શુભેચ્છકો દ્વારા આ પ્રસંગે શુભેચ્છા સંદેશ આપવા માગતા હોય તો તે પણ તેઓશ્રીના ફોટા સાથે છાપવામાં આવશે. (માત્ર અડધા તથા આખા પેજની જાહેરાતમાં શક્ય બનશે.) આ પ્રસંગે પ્રસિધ્ધ કરવામાં આવનાર સોવેનિયરની ૧૦૦૦ કોપી છાપવામાં આવશે. જે સમગ્ર રાજ્યમાં આ પ્રસંગે પધારેલ માનવંતા મહેમાનશ્રીઓ આપણા ભૂતપૂર્વ વિદ્યાર્થીઓ, દાતાશ્રીઓ તથા સમાજના શ્રેષ્ઠીઓ તથા સ્મરણિકામાં જાહેરાત તથા શુભ સંદેશ આપનાર શાળાના હિતેચ્છુઓને પહોંચાડવામાં આવશે.